Growth Strategies လို့ပြောလိုက်ရင် Marketer တွေအားလုံးပြေးမြင်ကြတာကတော့ Ansoff Matrix ဆိုတာကြီးပါပဲ။ (ပုံတွင် Refer ပြုလုပ်ရန်) အဓိကကတော့ Growth Options တွေ စဉ်းစားတဲ့အချိန်တွေမှာပေါ့။ ဒီ Matrix ကြီးက မိမိ ကုန်ပစ္စည်း/ဝန်ဆောင်မှု စတာတွေကို စျေးကွက် (Market) ထဲမှာ ဘယ်လိုပုံစံနဲ့ ရှေ့ဆက်မှာလဲဆိုတဲ့ပုံစံကို စဉ်းစားတဲ့နေရာမှာ အထောက်အကူဖြစ်စေတယ်။ Growth Strategy အနေနဲ့ ရွေးချယ်စရာကတော့ ၄ မျိုးပါ။
၁) လက်ရှိကုန်ပစ္စည်းကိုပဲ လက်ရှိစျေးကွက်မှာထိုးဖောက်ခြင်း
၂) ကုန်ပစ္စည်းအသစ်ကို လက်ရှိစျေးကွက်မှာထိုးဖောက်ခြင်း
၃) လက်ရှိကုန်ပစ္စည်းကိုပဲ စျေးကွက်အသစ်မှာထိုးဖောက်ခြင်း
၄) ကုန်ပစ္စည်းအသစ်ကို စျေးကွက်အသစ်မှာထိုးဖောက်ခြင်း
အရမ်းကောင်းတဲ့ Growth Strategies Concept တွေကို နောက်ပိုင်းမှာခေတ်စားလာတဲ့ Content Marketing နဲ့ ချဉ်းကပ်ကြည့်ဖို့ ကြိုးစားကြည့်ကြရအောင်။ “Content တွေကတော့ လူတွေသိချင်ဖြစ်ချင်နေတဲ့အရာတွေကို ကိုယ့်ပေးချင်တဲ့ Information ကတဆင့် (တိုက်ရိုက်မဟုတ်သောပုံစံဖြင့်) ရရှိစေခြင်း” ဖြစ်ပါတယ်။ Content Marketing က ဆွဲခေါ်သွားတာက Marketer တွေသည် Brand Promoter တွေဆိုတာထက် Storyteller တွေအဖြစ် ရောက်ရှိသွားစေတယ်။ အဲဒီတော့ Content တွေက ကြော်ငြာပုံစံသစ်အသွင်ကိုဆောင်လာပြီး၊ #hashtags တွေက Social Media တွေပေါ်မှာ အရင်တုန်းက Tagline တွေလိုမျိုး လုပ်ဆောင်လာကြတယ်။ (Content Marketing အသေးစိတ်ကို ဒီမှာ Marketing 4.0 ကပြောတဲ့ Content Marketing တွင် ဖတ်ရှုနိုင်ပါတယ်။)
ကဲစလိုက်ကြရအောင် …
၁) လက်ရှိကုန်ပစ္စည်းကိုပဲ လက်ရှိစျေးကွက်မှာထိုးဖောက်ခြင်း
လက်ရှိစျေးကွက်မှာပဲ မိမိရဲ့ လက်ရှိကုန်ပစ္စည်းနဲ့ပဲ Market Share ပိုရအောင်လုပ်မယ်ပေါ့။ (နေ့တိုင်းလုပ်နေကြတဲ့အလုပ်လေ … ဟီးဟီး) ဒီ Option က Market ကြီးတစ်ခုလုံး Growth ဖြစ်နေတဲ့အချိန်ဆို အရမ်းကောင်းတဲ့ Strategy ပဲ။ Intensive Distribution ပုံစံနဲ့ Aggressive Promotion တွဲလုံးနဲ့ပွဲထုတ်တဲ့ အခင်းအကျင်းမျိုးပေါ့။
Content ဘက်ကပြန်ကြည့်ရင် Brand တွေက ဘယ်လို Story မျိုးတွေနဲ့ချဉ်းကပ်ကြည့်မလဲ? ဥပမာ – သွားတိုက်ဆေးဆိုပါတော့ … Frequency ကိုတင်ကြည့်ရအောင်။ “အစာစားပြီးတိုင်းသွားတိုက်ခြင်းဖြင့် သင့်ရဲ့ကျန်းမာရေးစရိတ်ကို လျှော့ချပါ” … ဆိုလိုတာက တစ်နေ့နှစ်ကြိမ်တိုက်နေရာကနေ အစာစားပြီးတိုင်းဆိုတော့ အကြိမ်အရေအတွက်များလာခြင်းကတဆင့် Market ထဲကို ပိုမိုထိုးဖောက်တာပေါ့။ Communication အနေနဲ့ Brand Message နဲ့ရောပြီး Tools တွေ အားလုံးကို Integrate လုပ်တဲ့အခါ … ပေးချင်တဲ့ Value က – သုံးစွဲသူတွေရဲ့ ကျန်းမာရေးစရိတ်ကိုလျှော့ချဖို့ ၊ KOL [Key Opinion Leader] (ဥပမာ – သွားဆရာဝန်မ Cele လေးထားပါတော့) တွေကနေ သွားကျန်းမာရေးနဲ့ ပက်သတ်ပြီး အစာစားပြီးတိုင်းသွားတိုက်ရင် ကျန်းမာရေးကောင်းတယ်ဆိုတဲ့အကြောင်း Viral ဖြစ်အောင်လုပ် ၊ Video Content အနေနဲ့ ကျန်းမာရေးစရိတ်ချွေတာလိုက်လို့ ဘဝအတွက် ပိုပြီးအရေးပါတဲ့အရာတွေလုပ်သွားနိုင်လို့ မိသားစုတစ်ခုတိုးတက်သွားတဲ့အကြောင်းလေးတွေကို Sharable ဖြစ်အောင်ရိုက်ပြီးတင် ၊ #LoveYourTeeth Campaign တို့ Contest တို့ Engagement ရအောင် Run ၊ Seasonal ဒါမှမဟုတ် Context တစ်ခုခုနဲ့ချိတ်ပြီး လုပ်။ ဒါဆို Story လေးကလှသွားပြီ။ Offline ကနေလည်း ATL Ad တွေ BTL Activities တွေနဲ့ Sales Activations လုပ်ရင် Online to Offline ချိတ်ဆက်ပြီး Market Penetration ပုံစံကို ဖော်ဆောင်လိုက်ပြီပေါ့။
၂) ကုန်ပစ္စည်းအသစ်ကို လက်ရှိစျေးကွက်မှာထိုးဖောက်ခြင်း
ဒါကတော့ လက်ရှိ Market ထဲကိုပဲ New Product launch လုပ်ကြည့်မယ်ပေါ့။ အဲဒီမှာ ၂ ပိုင်းရှိတယ်။ နည်းနည်းလေး ကုန်ပစ္စည်းကို ပြင်ဆင်ပြောင်းလဲလိုက်တာနဲ့ လုံးဝအသစ်ကြီးကို Launch တာမျိုးပေါ့။ လက်ရှိစျေးကွက်ဆိုတော့ မိမိအနေနဲ့ Familiar ဖြစ်ပေမယ့်လည်း Risk ကတော့ရှိနေမှာပါပဲ။ Customer Demand နဲ့လိုက်ပြီး မိမိဘက်က ပြောင်းလဲပြီးကစားတဲ့အခင်းအကျင်း။
Content ဘက်ကပြန်ကြည့်ရင် Brand တွေက ဘယ်လို Story မျိုးတွေနဲ့ချဉ်းကပ်ကြည့်မလဲ? ဥပမာ – သွားတိုက်ဆေးပဲကွာ … (Technical တွေ နားတော့သိပ်မလည်ဘူး ဥပမာလို့ပဲမြင်ပေးပါနော်) “သွားတွေပိုခိုင်မာဖို့ အခြားသွားတိုက်ဆေးတွေထက် အရည်အသွေးမြင့် Fluoride ပါတဲ့ XYZ သွားတိုက်ဆေးအသစ်” … ဆိုလိုတာက စျေးခြင်းအတူတူဆိုရင်တောင် သွားကိုပိုမိုခိုင်မာစေတဲ့ XYZ Brand ကိုပဲရွေးဆိုတာကတဆင့် Market ထဲကို ပိုမိုထိုးဖောက်တာပေါ့။ Communication အနေနဲ့ Brand Message နဲ့ရောပြီး အားလုံးကို Integrate လုပ်တဲ့အခါ … ပေးချင်တဲ့ Value က – သုံးစွဲသူတွေရဲ့ သွားတွေကိုပိုပြီးခိုင်မာစေချင်လို့ ၊ KOL [Key Opinion Leader] (ဥပမာ – သွားဆရာဝန်မ Cele လေးပဲဆက်သုံးမယ်နော်) တွေကနေ သွားကို ဘယ်လိုတိုက်မှ မှန်ကန်တယ်ဆိုတာကို Viral ဖြစ်အောင်လုပ် ၊ Native Content Ad တွေကို ကျန်းမာရေး Blog တွေ Website တွေမှာတက် ၊ #SmileMore Campaign တို့ Contest တို့ ကို မိသားစု Photo Contest လိုဟာမျိုး Engagement ရအောင် Run ၊ Seasonal ဒါမှမဟုတ် Context တစ်ခုခုနဲ့ချိတ်ပြီး လုပ်။ ဒါဆို Story လေးကထပ် လှသွားပြန်ပြီ။ Offline ကနေလည်း ATL Ad တွေ BTL Activities တွေနဲ့ Product Launch ကိုလုပ်ရင် Online to Offline ချိတ်ဆက်ပြီး Product Development တစ်ခု ပြီးပြီပေါ့။
၃) လက်ရှိကုန်ပစ္စည်းကိုပဲ စျေးကွက်အသစ်မှာထိုးဖောက်ခြင်း
အဓိကချဲ့ထွင်တဲ့ပုံစံလို့ဆိုလို့ရတယ်။ Market Segment အသစ်ရှာတာမျိုး၊ သုံးဆွဲသူအသစ်ရအောင်လုပ်တာတွေ၊ တခြား Market အသစ်တစ်ခုမှာသွားရောင်းတာမျိုးတွေကို တွေ့ရပါတယ်။ အလွယ်အားဖြင့် Distribution မှာ Channel တစ်ခုထပ်တိုးတာမျိုးလည်း အပါအဝင်ပေါ့။ ကိုယ်သွားချင်တဲ့ Market ရဲ့ Market Size ကို သိထားဖို့လိုအပ်တယ်။ အရေးကြီးဆုံးကတော့ ကိုယ်သွားချင်တဲ့ Market မှာရှိနေတဲ့ Consumer Behaviour ကိုသိရှိနားလည်ထားဖို့ပါပဲ။ Customer လိုချင်တာနဲ့ မိမိဘက်ကပေးတဲ့ ကုန်ပစ္စည်းကြားမှာ ဘယ်လို Marketing လုပ်မလဲဆိုတာက ဒီ Strategy ရဲ့ အခရာ။
Content ဘက်ကပြန်ကြည့်ရင် Brand တွေက ဘယ်လို Story မျိုးတွေနဲ့ချဉ်းကပ်ကြည့်မလဲ? ဥပမာ – သွားတိုက်ဆေးပါပဲ။ အရင်ရန်ကုန်မှာပဲရှိတာကနေ ရှမ်းပြည်မှာကို Market ချဲ့ထွင်မယ်ဆိုပါတော့။ Communication ပြုလုပ်တဲ့အခါ KOL [Key Opinion Leader] က (ဥပမာ – သွားဆရာဝန်မ Cele လေးထားပါတော့) သွားကျန်းမာရေးအရေးကြီးကြောင်း ရှမ်းပြည်အထိသွားပြီးသရုပ်ပြတဲ့ Video ရိုက်၊ ရှမ်းပြည်နယ်နဲ့ပတ်သက်တဲ့ ဒါမဟုတ် အဲဒီကလူတွေအကြည့်များတဲ့ Website တွေ Blog တွေမှာ Native Ad တွေလုပ် ၊ Offline Ground Activity ကို Support လုပ်တဲ့ Content တွေကိုတင် (Engagement လိုချင်ရင် ရှမ်းပြည်အလှဆိုပြီး Photo Contest တောင် Run လို့ရသေးတယ်) ၊ Seasonal ဒါမှမဟုတ် Context တစ်ခုခုနဲ့ချိတ်ပြီး လုပ်။ Offline ကနေလည်း ATL Ad တွေ BTL Activities တွေနဲ့ စျေးကွက်အသစ်ကိုဝင်ရင် Market Development ပုံစံကို ဖော်ဆောင်လိုက်ပြီပေါ့။
၄) ကုန်ပစ္စည်းအသစ်ကို စျေးကွက်အသစ်မှာထိုးဖောက်ခြင်း
ကိုယ့် Company က ကျဆင်းနေတဲ့ Market ကိုတုံ့ပြန်တာမျိုး ဒါမှမဟုတ် Rish တွေကို Share လုပ်လိုက်တာ၊ Market ထဲမှ မိမိ Company ရဲ့ သြဇာအာဏာကိုကြီးအောင်လုပ်တာ အဲဒါတွေက Diversification လုပ်မယ်ဆိုတဲ့ Option ကို ဖြစ်လာစေတယ်။ Diversification လုပ်တဲ့အခါ အရေးအကြီးဆုံးကတော့ Risk Assessment ပါပဲ။ Related Diversification ကတော့ လက်ရှိကုန်ပစ္စည်း/စျေးကွက်နဲ့ ဆက်စပ်မှုရှိတာမျိုးကိုပဲလုပ်တာပါ။ Unrelated ကတော့ မိမိရဲ့ Network ထဲကနေကျော်လွန်ပြီး တကယ့်ကို ကြီးကြီးမားမားထိုးဖောက်တာမျိုးပါ။ သွားတိုက်ဆေးဥပမာလေးနဲ့ပဲဆက်သွားလိုက်ရအောင်။ Related ဆိုပါတော့။ ရှင်းပါတယ် သွားပွတ်တံထုတ်မှာပေါ့။
Content ဘက်ကပြန်ကြည့်ရင် Brand တွေက ဘယ်လို Story မျိုးတွေနဲ့ချဉ်းကပ်ကြည့်မလဲ? Communication ပြုလုပ်တဲ့အခါ KOL [Key Opinion Leader] က (ဥပမာ – သွားဆရာဝန်မ Cele လေးထားပါတော့) သွားကျန်းမာရေးမှာ သွားတိုက်ဆေးအပြင် သွားပွတ်တံကပါ အရေးပါကြောင်း Viral ဖြစ်အောင်လုပ် ၊ Creative Visual တွေ GIF တွေနဲ့ Product Paring တွေကိုပြ ၊ Contest တစ်ခုတောင် Run ချင်ရင်ရသေးတယ် … ဥပမာ သွားပွတ်တံအများကြီးနဲ့ ပုံဖော်တဲ့ Challenge လိုဟာမျိုး၊ Offline မှာ Run မယ့် သွားတိုက်ဆေးရောသွားပွတ်တံရောဝယ်ရင် စျေးလျှော့မယ်ဆိုတာကို Online မှာ ပါးပါးလေးပုတ်၊ Seasonal ဒါမှမဟုတ် Context တစ်ခုခုနဲ့ချိတ်ပြီး လုပ်။ Offline ကနေလည်း ATL Ad တွေ BTL Activities တွေနဲ့ Diversify လုပ်။
အခုလိုချိတ်ဆက်ကြည့်တဲ့နေရာမှာ မှီခိုနေတဲ့အကြောင်းအရာတွေအများကြီးရှိသေးတယ်ဆိုတာလည်း မမေ့ပါနဲ့နော်။ Strategic Option တစ်ခုနဲ့ Content Marketing သာချိတ်ဆက်ခြင်းဖြစ်လို့ Brand Direction တွေ၊ Offline Marketing Activity တွေရဲ့ ပံ့ပိုးမှုတွေကလည်း တကယ့်ကို ထည့်သွင်းစဉ်းစားရမယ့်အချက်တွေပါပဲဆိုတာပြောရင်း နိဂုုံးချုပ်ပါရစေနော်။
ကျေးဇူးတင်ပါတယ်။
“Marketing is a race without a finishing line” ~ Philip Kotler
Pyae Nyein Lu 